کیرتیگا ریڈی
معلومات شخصیت
پیدائش	سنہ 1972 (عمر 46–47 سال)  چنائے
شہریت	بھارت
شوہر	دیوانند ریڈی
اولاد	2 بیٹیاں
عملی زندگی
پیشہ	مینیجنگ ڈائریکٹر فیس بک بھارت
ترمیم

کیرتیگا ریڈی (پیدائش: 1972ء)، ایک بھارتی تجارت پیشہ خاتون اور فیس بک بھارت کی مینیجنگ ڈائریکٹر ہے۔ اس نے حال کے ایک انٹریو میں اعلان کیا کہ وہ فیس بک بھارت کی مینیجنگ ڈائریکٹر کے عہدے سے ہٹ رہی ہے اور ریاستہائے متحدہ امریکا میں جاکر مینلو پارک کے فیس بک کے صدر دفتر، کیلی فورنیا میں عالمی رول لے رہی ہے۔ اس کا کہنا تھا کہ "ہماری بیٹیاں آشنا اور آریہ اس تبدیلی سے بے حد خوش ہیں"، تاہم قریبی دوستوں نے اس بیان پر شبہات کا اظہار کیا۔^[1][2]

کیرتیگا کا طرۂ امتیاز یہ ہے کہ وہ فیس بک کی پہلی بھارتی ملازم ہے اور کمپنی کی توسیع و ترقی کے پس پردہ وہ بھی ایک زور آور حیثیت رکھتی ہے۔^[3]

2011ء میں وہ فارچون انڈیا کی 50 قد آور خواتین میں سے ایک قرار پائی اور بھارت کی 25 بااثر خواتین میں سے ایک قرار پائی۔^[4][5]

کریئر[ترمیم]

ریڈی کی پرورش بھارت میں ہوئی۔ وہ درمیانی طبقے کے ماں باپ کو پیدا ہوئی، اس کا باپ ایک سرکاری ملازم تھے۔ وہ کمپیوٹر سائنس میں بیچلرز کی اور ایم جی ایم انجینئیرنگ کالج، ناندیڑ میں بابا صاحب بھیم راؤ امبیڈکر یونیورسٹی، مہاراشٹر کے تحت دوم مقام پر فائز ہوئی۔^[6] گریجویشن کے بعد وہ ناگپور اپنے ماں باپ کے ساتھ چلی گئی اور مختصر وقت کے لیے یشونت کانیٹکر کی پروگرامنگ پر مبنی کتابوں کی تیاری، عملی مثالوں کو شامل کرنے اور کلیدی تصورات کو خوش اسلوبی سے پیش کرنے میں معاون رہی ہے۔^[7] اس کے بعد وہ ریاستہائے متحدہ امریکا میں اسٹینفرڈ یونیورسٹی سے ایم بی اے مکمل کی اور سائراکوز یونیورستی سے کمپیوٹر انجینئری میں ایم ایس کی پڑھائی کی۔^[8]

ریڈی نے کئی نامور کمپنیوں جیسے کہ سیلیکان گرافکس اور موٹورولا کے لیے کام کیا۔ سیلیکان گرافکس میں اپنے کام کے دوران وہ سب سے کم عمر انجینئری ڈائریکٹر اور اس سطح پر اپنی ٹیم کی واحد خاتون تھی۔ 2008ء میں ریڈی بھارت واپس آ گئی اور امریکا میں قائم فینیکس ٹیکنالوجیز کے لیے کام کرنے لگی۔^[7][9]
.
2010ء میں ریڈی فیس بک میں شامل ہوئی۔^[10][11] کمپنی کی اولین ملازم کے طور پر وہ نہ صرف تمام سرگرمیوں کو آغاز سے وجود میں لانے کا کام کر رہی تھی، بلکہ اسے خود پہلے دن دفتر کے شٹر خود کھولنے پڑے۔ اس کی قیادت میں فیس بک بھارت نہ صرف اپنے صارفین کی تعداد بڑھانے میں کامیاب ہوا، بلکہ عالمی تجارت میں قابل لحاظ تعاون کرنے لگا۔ اس غرض کے لیے کوکا کولا کمپنی، بھارت اور ییپ می جیسے اداروں سے تال میل بھی کرنا پڑا۔^[7]

بھارت کی موبائل کمپنیوں کی جانب موبائل ڈاٹا پر شرح ہو کر بھی فیس بک مفت فراہم کرنے کی اسکیم کی برخاستگی کے بعد ریڈی نے اپنے عہدے سے ہٹ کر ریاستہائے متحدہ امریکا اگلے چھ مہینوں سے لے ایک سال کے بیچ جاکر کام کرنے کا اعلان کیا۔^[12][13]

12 فروری 2016ء کو ایک فیس بک پوسٹ میں اس نے لکھا:

"جب میرا خاندان بھارت نقل مقام کیا، ہم جانتے تھے کہ ہم لوگ ایک دن امریکا واپس لوٹیں گے۔ یہ ایک کھٹ مِٹ لمحہ ہے کہ یہ بتایا جائے کہ واپسی کے وقت کا سلسلہ اگلے 6-12 مہینوں میں آ رہا ہے۔ ہماری لڑکیاں ہائی اسکول اور مڈل اسکول اسی آنے والے سال سے شروع کر رہے ہیں — جو فطری نقطۂ
تبدیلی فراہم کرتا ہے کہ یہ واپسی کا اقدام مکمل ہو۔"

ذاتی زندگی[ترمیم]

کیرتیگا کی شادی دیو آنند ریڈی سے ہوئی ہے اور اس کی دو لڑکیاں آشنا اور آریہ ہیں۔^[7]

حوالہ جات[ترمیم]